Біздің апай 70 жаста!

Мерейтой 16 мамыр 2009 жылы болды

Пресс-релиз

16 мамыр күні РФМШ да өткен мерейтой туралы

Республикалық арнайы дарынды балаларға арналған физика-матаематика мектебі Алматы қаласында ірге тасын қалағаннан бері білім-ағарту жүйесіндегі орны ерекше қара шаңырақ. Ғалия Шарафи қызы Қалдыбаева Осы атақты Білім Ордасының діңгегіндей 40 жылға жуық Қазақстанның түкпір-түкпірінен ғылым үйренуге талапкер талантты жас- өспірімдерге қажымай-талмай математика пәнін дәрістеп келе жатыр. Қалдыбаева Ғ.Ш. апайдан білім нәрімен сусындаған оқушылар халықаралық математика пәндік олимпиадаларда жүлделерге ие болса, түлектері өз білімдерін жер шарының атаулы жоғарғы оқу орындарында дәлелдеп қана қоймай, еліміздің экономикасының өркендеуіне ерен үлестерін қосуда. Сонымен қатар, Ғалия апайдың басшылық етуімен 10 жылдан бері жарық көріп елге танымалы әдістік оқу құралына айналған «Репетитор» журналы шалғай ауылдардағы мектеп оқушылары мен мұғалімдері үшін баға жетпес көмекші, білімге жол сілтер ақылшы.

Аяулы ұстаздың түпсіз тұнық кәусардай ғылым-ілімге жастарды баулудағы еңбегін жоғары бағалап Ел басымыз Нұрсұлтан Әбіш ұлы Алғыс хатын жолдады, әр жылдарда Білім ағарту озаты, Еңбек Ардагері, Аға оқытушы, Қазахстанға Енбек сіңірген қызметкер атақтарына иегер болды.

«Ұстаздық еткен жалықпас үйретуден балаға» - дегендей, 70 жылдық мерей тойын шәкірттерінің ортасында еңбекпен жеңістерге жетумен тойлап отырған мұғалімді қадырлеп еліміздің түкпір-түкпірінен осыдан 30 жылдан астам уақыт бұрын мектеп бітірген түлектерінен бастап әр жылғы шәкірттер жиналып 16 мамыр күні мектеп қабырғасында шеру өткізді. Шәкірттерінің арасында белгілі ғылым қайраткерлері – ғалым доктор, профессорлар, улкен өндіріс басшылары, еңбек қайраткерлері бар, әр саланың маманы бола отыра көптеген түлектер ұстазға деген пікір-тілектерін өздерінің жүректерінен шыққан өлең жолдарымен сахнадан жолдады.

Сонымен қатар, осы бағдарлама барысында Мектеп Директоры Қ Мақышев мырза апайға Ғылым министрлігі жолдаған Алғыс хатты табыс етті, және де Осы тойдың куәгері бола отырып Бостандық аудандық әкімшілігі Ғалия Шарафи кызына ұлағатты ұстаздық еңбегіне алдағы уақыттарда да шығармашылық табыстар тілеп, марапаттау мен мадақтауға толы Алғыс хат табыс етілді.

Қорытынды бюджет